Gedichties

Hinnerk Hirrel Dauwelgat

ofspeulen

Hinnerk Hirrel wil op pad.
Hinnerk Hirrel wet niet wat.
Hie dauwelt, wet niet of e kan,
wol op reis gaon naor Japan.
Zien koffer pakken hef gien kaans,
elke dag wil e wat aans.

Aaltied zeuren en aaltied wat.
Wij neumt hum Hinnerk Hirrel Dauwelgat.
Hie tjantert en nimt weer gien besluut.
Gao nou maor; 't maakt oes niet uut.

Hinnerk Hirrel wil op pad,
Hinnerk Hirrel wet niet wat.
Hie dauwelt en hij klessebest.
Nou wil e weer naor Boedapest.
Wij springt daolkies uut oes vel.
Gistern wol e toch naor Israël?
Het giet maor deur, der is aaltied wat
met Hinnerk Hirrel Dauwelgat.

't Is oes geliek, 't maakt oes niet uut.
Wij heurt wal wat of ie besluut.
Wij deinkt, die is niet goed snik,
maor gao gerust naor Reykjavik.
As ie zo lastig bent en aldeur zeurt,
zörg wij wal dat der wat gebeurt.
Ie zit oeze tied slim te verdoen,
Wij zet je op 't schip naor Kameroen.
Wel wet hebt ze daor verlet an praoties
De groeten, stuur oes maor ansichtkaorties.
Vort Hinnerk Hirrel, wij bent het zat.
Dag Hinnerk Hirrel Dauwelgat!